Franz (Popst)

Da Franz, latein: Franciscus, biagali: Jorge (Schorsch/ Giagl/ Irg) Mario Bergoglio (* 17. Dezemba 1936 z Buenos Aires, Argentinien) is seidm 13. Meaz 2013 da 266. Popst, es Owahapt vo da remisch-katholischn Kiach und vom Stoot vo da Vatikanstod. Da Franz is da easchte Popst aus Lateinamerika und da easchte Jesuit af dem Postn.

Seit 1958 is da Bergoglio a Jesuit. Anno 1969 is a Priesta worn, 1998 Erzbischof vo Buenos Aires und 2001 Kardinoi.

Da Franz guid ois bscheidn, owa aa entschlossn und duachsezungsstoak.^[1] Voa seina Woi zum Papst is a ois „asketischer Mann Gottes“,^[2] „eher stiller Intellektueller“,^[3] „wortkarg und medienscheu“ und gengiwa vo da Dogespolitik ois distanziad bschriem worn.^[4]

1. ↑ Tobias Piller: Für die Kurie braucht der Papst noch Zeit. FAZ.NET, 16. März 2013, abgerufen am 19. März 2013. 
2. ↑ Stefan Ulrich: Tagebuch aus dem Konklave. In: Süddeutsche Zeitung. 24. Septemba 2005, S. 1.
3. ↑ Jorge Mario Bergoglio. Ein stiller Intellektueller. Die ZEIT, 15. März 2013, abgerufen am 19. März 2013. 
4. ↑ Alexander Brüggemann: Argentiniens „Beinahe-Papst“ Kardinal Bergoglio ist 75. Domradio, 17. Dezember 2011, abgerufen am 19. März 2013.