Hixene

La hixene ye'l conxuntu de conocencies y téuniques qu'apliquen los individuos pal control de los factores qu'exercen o pueden exercer efeutos nocivos sobre la so salú. La hixene personal ye'l conceutu básicu del aséu, de la llimpieza y del cuidu del cuerpu humanu. Son una serie de vezos rellacionaos col cuidáu personal qu'inciden positivamente na salú y que previén posibles enfermedaes; coles mesmes, ye la parte de la medicina o ciencia que trata de los medios d'enllargar la vida, y caltener la salú de les persones.

La falta d'hixene puede provocar enfermedaes y reacciones desfavorables non solo pa los humanos, sinón tamién pa los animales y plantes, el cuidu del mediu ambiente va de la mano de la hixene.