Engraulis encrasicolus

Engraulis encrasicolus bocarte
Clasificación científica
Reinu:	Animalia
Filu:	Chordata
Clas:	Actinopterygii
Orde:	Clupeiformes
Familia:	Engraulidae
Xéneru:	Engraulis
Especie:	E. encrasicolus Linnaeus, 1758
Sinonimia
Clupea encrasicolus Linnaeus, 1758 Engraulis encrasicholus Linnaeus, 1758
Consultes
[editar datos en Wikidata]

El bocarte^[1] o ombrín (Engraulis encrasicolus), tamién denomáu como home, homín, hombrín, bocarón^[2], llanzón^[3] o anchoa^[4],  ye un pexe azul d'unos 15-20 cm de llargu (tamañu adultu), con un altu valor comercial, y que se pesca fundamentalmente p'alimentación humana.

Presenta un focicu apuntiáu, un maxilar inferior curtiu, cazu y contorna facial nidia, qu'algama práuticamente la parte frontal del preopérculu branquial y qu'usa pa defendese en casu d'amenaza de dalgún depredador, tal como llobines o muiles; l'estremu del quexal inferior llega cuasi hasta la base de les narines. Los opérculos branquiales proyéutense sobre les epibranquies. La pseudobranquia ye daqué mayor que'l güeyu y algama la parte interior del opérculu branquial. Presenta coles mesmes, una franxa platiada sobre la llinia llateral, que sume cola edá.

Esgüeva ente xunu y xunetu; los güevos, d'una peculiar forma allargada, llexen dos o tres díes tres la fecundación hasta la eclosión de los alevines. Éstos crecen bien amodo (exemplares d'un añu pueden midir menos de 3 cm) hasta algamar el tamañu adultu.

1. ↑ URL de la referencia: http://www.sabencia.net/nomenclator.php.
2. ↑ Esti términu apaez nel Diccionariu de l'Academia de la Llingua Asturiana. Ver: bocarón
3. ↑ Esti términu apaez nel Diccionariu de l'Academia de la Llingua Asturiana. Ver: llanzón
4. ↑ Esti términu apaez nel Diccionariu de l'Academia de la Llingua Asturiana. Ver: anchoa