A gaita de boto, u simplament "boto" u "bot", ye una mena de gaita aragonesa. A suya utilización y fadrucación yera cuasi extinguida a finals d'os anyos 70 d'o sieglo XX, cuan prencipió lo suyo proceso de recuperación, en 1978. Dende remates d'o sieglo XX existeixen cuantos constructors d'iste instrumento, cuantas escuelas y asociacions de gaiters, mas d'una docena de collas de folk aragonés que la incluyen en as suyas formacions y, o que ye mas important, cientos de gaiters en o territorio aragonés.