Taxon

Taxon (das, Pl.: Taxa; vo griech. τάξις táxis, ‚Ornig‘, ‚Rang‘) bezäichnet in dr Biologii e Grubbe vo Lääbewääse, wo as süstematischi Äihäit definiert worde isch und en äigene Naame überchoo hets. D Reegle wie wüsseschaftligi Nääme für Taxa bildet wärde, si dr Inhalt vom entsprächende nomenklatorische Cod. Wie si noch em Grad vo dr Verwandtschaft in s entsprächende hierarchische Süstem iigordnet wärde, isch d Ufgoob vo dr akademische Disziplin vo dr Taxonomii, wo sich sälber uf d Ergäbniss vo dr biologische Süstematik stützt. Underschidligi süstematischi Vorstellige füere zu underschidlige taxonomische Aasätz und eso zu verschiidene Ergäbniss bim wüsseschaftlige Naamegee vo Taxa. Es isch Dradizion ass d Nääme hüfig us em Latiinische oder Griechische abgläitet wärde. E Taxon, wo son e Naame überchoo het, wird as „nominells Taxon“ bezäichnet.^[1]

1. ↑ Erwin J. Hentschel, Günther H. Wagner: Zoologisches Wörterbuch. 6. Auflage. Gustav Fischer Verlag, Jena 1996, S. 427.