Hercules

De Hercules, uf tütsch au Herkules (latiin. Herculēs) isch e römische Gott und Held gsii. Er isch vo de Grieche öbernoo wore, wo en Herakles gnennt hend, doch underschaidet sich die beede Gstalte, bsundrigs au im Kult. So hend i de früene römische Republik d Fraue nöd tööre am Kult vom Hercules tailnee. Er isch denn zomene Gott vo de Händler und Chauflütt wore, hett aso äänlichi Funktione, wie de Mercurius öbernoo. Denebet isch er natüürli au de Held gsii, wo verschidnigi Heldetaate vollbroocht hett.

D Römer hend au Götter vo anderne Völker Hercules gnennt, so de Hercules Magusanus z Nidergermanie.