Esoterik

Esoterik (vo griechisch ἐσωτερικός esōterikós ‚innerlig‘, ‚wo zum innere Beriich ghöört‘) isch in dr ursprünglige Bedütig vom Begriff e filosofischi Leer, wo nume für e begränzte „innere“ Personekräis zuegänglig isch, im Geegesatz zu Exoterik as allgemäin zuegängligs Wüsse. Anderi dradizionelli Wortbedütige bezien sich uf en innere, spirituelle Erkenntniswääg, öbbe sünonüüm mit Müstik, oder uf e „hööchers“, „absoluts“ Wüsse. Drnääbe wird dr Begriff für e bräits Spektrum vo verschiidenartige spirituelle und okkulte Leere und Praktike brucht.