Azoren

Azoren
NASA-Satellitebild vo de Azore
Gwässer	Atlantik
Geografischi Lag	38° 30′ N, 28° 0′ W38.5-28Koordinate: 38° 30′ N, 28° 0′ W
Zahl vo de Insle	9 (+ e Hufe Felse)
Hauptinsle	São Miguel
Gsamtflechi	2,333 km²
Iiwohner	247,000 (2012)
Charte vo de Azore

D Azore (port. Ilhas dos Açores [ɐ'soɾɨʃ], uf Dütsch: Habichtsinsle) si e Grubbe vo nüün gröössere und meerere chliinere portugiisische Atlantikinsle. D Hauptinsle isch São Miguel. D Azore lige 1'369 km westlig vom öiropäische Festland (Cabo da Roca) und 4.382 km ostwärts vo Nordamerika (US-Bundesstaat Virginia). D Insle Flores isch am nöggste zum nordamerikanische Festland, 2'342 km vo Nöifundland in Kanada äwägg.

Verwaltigstechnisch bilde d Azore en autonomi Region vo Portugal, d Região Autónoma dos Açores. Si si zwar zimlig wit vom öiropäische Festland äwägg, aber as Däil vo Portugal ghööre si zur Öiropäische Union.

Es läbe fast e Viertel Million Lüt uf de Azore, wo Landwirtschaft betriibe und Milch, Rindfläisch, Tee und Ananas broduziere oder im Turismus schaffe.