Argonnen

D’ Argonna – uff Frànzeesch l’Argonne [aʁɡɔn](info), ìn Diitschlànd noh-n-em Äärschta Waltkriag maischt Argonner Wàld gnännt – sìnn a Làndschàft ìm Nordoschta vu Frànkrììch. Sa lììga zwìschem Ardenner Gebìrg, dr Champagne un Lothrìnga. Hìtt düen sa Tailer vu da Départements Ardennes, Marne un Meuse umfàssa, fìr a Gsàmtflächa vun äbba 2.150 Kwàdràtkilomeeter. ’S ìsch a hììgaliga Làndschàft nììdriger àss 350 Meeter ìwwer’m Meer, mìt vììla Walder un Wäijer. Dr Hàuiptort vu da Argonna ìsch d’ Schtàdt Sainte-Menehould (äbba 4.100 Iiwoohner).

Ìm Àltertumm ìsch d’ Làndschàft bekànnt gsìì fìr siina Keràmikwarkschtätta, wu maa d’ soognànnta Argonnawààra hargschtällt hàt. Schpeeter ìn dr frànzeescha Gschìcht hann a pààr wìchtiga Ärragnissa ìn da Argonna schtàttgfunda: ànna 1791 ìsch dr Keenig Ludwig XVI. uff dr Flucht z’ Varennes fäschtgnumma worra; ìm Joohr druff ìsch d’ Schlàcht vu Valmy geega Pröissa un s’ Hailiga Reemischa Raich gsìì; ìm Äärschta Waltkriag sìnn d’ Wìnter- un d’ Harbschtschlàcht ìn dr Champagne gsìì (ànna 1914 un 1915), so wia d’ Schlàcht um Verdun (ànna 1917) un d’ Maas-Argonna-n-Ààgrìff (ànna 1918).