Republieke van Rusland

Die Russiese Federasie is sedert 18 Maart 2014 opgedeel in 85 federale deelgebiede, waarvan 22 republieke is (ook outonome republieke genoem). Die republieke verteenwoordig gebiede van nie-Russiese etnisiteit. Vanweë dekades (in sommige gevalle eeue) van migrasie binne Rusland, is so ’n etniese groep nie noodwendig meer die meerderheid in ’n spesifieke republiek nie.