Protokol (rekenaars)

In rekenaarwetenskap is 'n protokol 'n konvensie of standaard wat die verbinding, kommunikasie, en data-oordrag tussen twee rekenaareindpunte beheer of moontlik maak. Op sy eenvoudigste kan 'n protokol gedefinieer word as die reëls wat die sintaks, semantiek en sinkronisasie van kommunikasie beheer. Protokolle kan deur hardeware, sagteware of 'n kombinasie van die twee geïmplementeer word. Op die laagste vlak kan 'n protokol gedefinieer word as die gedrag van 'n hardeware verbinding.