Lepton

Lepton is 'n Griekse woord wat klein of liggewig beteken. In die fisika is dit die versamelnaam vir sekere fundamentele kwantumdeeltjies soos die elektron, die muon, die tau en die neutrino. Dit lyk of hierdie tweede familie van elementêre deeltjies ook fundamentele entiteite is. Soos kwarke, waarvan daar ook verskeie soorte is, is leptone skynbaar struktuurlose puntdeeltjies, die rotsbodem van die heelal se materievlakke. Daar bestaan tans nog bitter min kennis oor hierdie nietige verskynseltjies. Hoe fisici ook probeer om met die wêreld se hoë-energie-versnellers die elektrone te ondersoek, vind hulle geen aanduiding van 'n interne struktuur nie.

Toe die elektron in 1930 by Niels Bohr se Instituut in Kopenhagen bespreek is, het Werner Heisenberg skertsend gesê dat 'n elektron se kleur net geel kan wees.

"As ons groen sien, gaan ons vorentoe. As ons rooi sien, wag ons. Maar as ons geel sien, weet ons nie wat om te doen nie."

In sy boek, Black Holes ("swartkolke"), sê Walter Sullivan dit lyk steeds of die elektron (en dit geld vir alle leptone) hom gedra asof hy 'n struktuurlose puntjie is.

Hierdie artikel is ’n saadjie. Voel vry om Wikipedia te help deur dit uit te brei.