Anortosiet

Anortosiet is 'n faneritiese, intrusiewe stollingsgesteente wat gekenmerk word deur 'n oorwig plagioklase-veldspaat (90–100%), en 'n baie klein mafiese komponent (0–10%). Pirokseen, ilmeniet, magnetiet en olivien is die oorwegende mafiese minerale.

Aardse anortosiet kan in twee soorte verdeel word: Proterozoïese anortosiet (ook bekend as massiewe anortosiet) en Archeïese anortosiet. Hierdie twee soorte anortosiet het verskillende omstandighede van voorkoms, blyk tot verskillende periodes in die geskiedenis van die aarde beperk te wees, en het vermoedelik verskillende oorspronge gehad.

Lunêre anortosiete verteenwoordig die liggekleurde areas van die maanoppervlak en was al aan heelwat navorsing onderworpe.^[1]

1. ↑ The Oldest Moon Rocks, 21 April 2004, Marc Norman