ASEAN

ASEAN (Engels: Association of Southeast Asian Nations) is 'n internasionale organisasie van die lande in Suidoos-Asië. Die ASEAN is op 8 Augustus 1967 deur Thailand, Indonesië, Maleisië, die Filippyne en Singapoer in Bangkok, Thailand, gestig en het uit die voormalige ASE ontstaan.

Op 8 Januarie 1984 sluit Broenei, op 28 Julie 1995 Viëtnam, op 23 Julie 1997 Laos en Mianmar en op 30 April 1999 Kambodja by die ASEAN aan. Papoea-Nieu-Guinee is sedert 1984 en Oos-Timor sedert 2002 waarnemerlande. Op 1 Januarie 2010 is die vryhandelsone met Australië, Nieu-Seeland, Indië, Japan, Suid-Korea en die Volksrepubliek China gestig.