WordPress

WordPress is 'n gratis oopbron-inhoudbestuurstelsel (CMS) gebaseer op PHP en MySQL. Om te kan funksioneer, moet WordPress op 'n webbediener geïnstalleer word, wat óf deel van 'n internetverskafferdiens of 'n netwerkgasheer moet wees. 'n Voorbeeld van die eerste geval kan 'n diens soos WordPress.com wees, en die tweede geval kan 'n rekenaar wees wat die sagtewarepakket WordPress.org bedryf. 'n Plaaslike rekenaar kan gebruik word vir enkelgebruiker toets- en leerdoeleindes. Kenmerke sluit in 'n inprop-argitektuur en 'n sjabloonstelsel. WordPress word sedert April 2018 deur 30,6% van die top 10 miljoen webwerwe gebruik. As sodanig is WordPress die gewildste webwerfbestuur of blogstelsel wat op die web gebruik word, wat meer as 60 miljoen webwerwe ondersteun. WordPress word ook gebruik vir ander toepassingsdomeine soos "pervasive display systems" (PDS).