Varvagono

Varvagonoj aŭ kargovagonoj aŭ ŝarĝovagonoj^[1], estas vagonoj, t.e. fervojaj veturiloj sen propra motoro, kiuj estas uzataj por la transportado de kargo. Gamo da specoj de vagonoj estas uzataj por pritrakti malsamajn specojn de varoj, ekzemple por trunkoj de arboj aŭ ŝtalaj traboj; karboj, sablo, salo aŭ similaj ŝuteblaj varoj; cisternaj vagonoj por ĉiaj likvaĵo, de minerala akvo kaj freŝa lakto ĝis nafto kaj likva tergaso aŭ likva naftogaso; ankaŭ eblas simplaj platformoj por konteneroj. Tamen ĉiuj varvagonoj en regiona reto tipe havas normigitajn kuplilojn kaj aliajn ekipaĵojn, kiel ekzemple hosoj por fervojaj aerbremsoj, permesante al malsamaj specoj de varvagonoj esti kunvenigitaj en kargotrajno. Por spurado kaj identigceloj, al varvagonoj estas ĝenerale asignitaj unika identigilo, tipe UIC-vagona numero.

1. ↑ La Internacia Fervoja Unio uzas kaj "varvagonon" kaj "ŝarĝovagonon" en sia oficiala dokumentaro.