Suteroteem

Suteroteem tir eem dem suterot. Voxen inafa tentura tir loon mantafa. In tir aptafa adala ke ewafa ik sutena golera askoasa va savera va avaf robeem jonkatason va keska tove pulvimbik ik sutembik.

Joweem ke suteroteem tire tir klubaf ise sedme kottan miv gunestes arapeniwer. Suteroteem wetce belca gan yon levek isu oxi is listevafi fli zo adalar. Tazukara va staksa va cek nostar, kaike golesiki kimakirafi gu givadeara. Batugale, suteroteem gu nevaseltay zo gesiar, voxe va prostewafa ezlopa ke mesutese sane is kotara ewafa muxarinda is wenya geltron dere tikir.