Stimmlippe

D Stimmlibbe (au Stimmfalte, lat. plica vocalis) si e Bäärli vo Strukture in dr Gurgle, wo in Schwingig chönne versetzt wärde. Si si e wääsentlige Däil vom Apparat im Cheelchopf (dr Glottis), wo d Stimm erzügt. E Stimmlibbe bestoot us dr Stimmfalte, wo von ere Epithel überzooge isch, em äigentlige Stimmband (Ligamentum vocale), em Musculus vocalis und de Arychnorpel und es het je äini uf bäide Site. D Stimmlibbe uf bäide Site wärde aabloost dur Luft us em Brustchorb und eso noch em Bernoulli-Effekt in Schwingig versetzt. Si erzüüge d Stimm (Phonation) und bilde dr Primärschall vo dr menschlige Stimm.