Our website is made possible by displaying online advertisements to our visitors.
Please consider supporting us by disabling your ad blocker.
Shanghai
| 上海市 Shànghǎi Shì Shanghai | |||
|---|---|---|---|
| |||
| Koordinate | 31° 14′ N, 121° 28′ O | ||
| Basisdate | |||
| Staat | Volksrepublik China | ||
|
Regierungsunmittelbare Stadt |
Shanghai | ||
| Höchi | 4 m | ||
| Flechi | 6.340,5 km² | ||
| Iiwooner | 23.019.148 (2010[1]) | ||
| Dichti | 3.630,5 Ew./km² | ||
| Website | www.shanghai.gov.cn (chinesisch/änglisch) | ||
| Politik | |||
| Burgermeischter | Yang Xiong | ||
| Sustigs | |||
| Gliiderig uf dr Kräiseebeni: | 16 Stadtbezirk, 1 Kräis | ||
| Gliiderig uf dr Gmäindeebeni: | 108 Groossgmäinde, 99 Stroosseviertel, 2 Gmäinde | ||
| Bostläitzaale: | 200000–202100 | ||
| Zitzoone: | China Standard Time (UTC+8) | ||
| Vorwaal: | (+86) 21 | ||
 | |||
D Haafestadt Schanghai (chin. 上海, ; vilmol änglisch Shanghai) isch die bedütendsti Industriistadt in dr Volksrepublik China und äini vo de grösste Stedt im Land.
S ganze Verwaltigsgebiet vo Shanghai het 23 Millione Iiwooner (Volkszelig 2010).[1] Vo deene si 15,9 Millione registrierti Iiwooner[2] mit ständigem Woonsitz (户口, hùkǒu) und 7,1 Millione temporär Iiwooner (流动人口, liúdòng rénkǒu) wo e befristeti Ufenthaltsgenäämigung häi (暂住证, zànzhùzhèng).[3] Wemm mä d Kärnstadt (hoochi Bebauigsdichti und gschlosseni Ortsform) as Grundlaag nimmt, lääben in Shanghai 15,1 Millione Lüt (2011).[4] Dr Balligsruum (mit de Vorort) het 24,8 Millione Iiwooner (2011).[5]
Schanghai isch e regierigsummittelbari Stadt, das häisst, si isch diräkt dr Zentralregierig understellt und iire Status entspricht däm von ere Browinz. S Verwaltigsgebiet isch 6340,5 km² grooss, isch aber käi zämmehängends Stadtgebiet, sondern mä cha s eender mit ere chliinere Browinz vergliiche, wil dusse vo dr Kärnstadt d Siidligsstruktur ländlig isch. Mä vergröösseret die ganz Zit d Flechi vom Stadtgebiet und läit dr Jangtsekiang-Drichter droche (bsundrigs im südöstlige Zipfel).
Dr Haafe vo Schanghai schloot im Joor 31,74 Millione TEU um und isch dr grösst Konteinerhaafe uf dr Wält (Stand 2011).[6] Au im Gsamtumschlag nooch (537 Millione Donne Waare im Joor 2006) isch er dr grössti.[7]
D Stadt isch e wichdige Verkeersknotepunggt und e bedütends Zentrum vo Kultur und Bildig mit vile Uniwersidääte, Hochschuele, Forschigsiirichdige, Theater und Museum.
- ↑ 1,0 1,1 National Bureaue of Statistics of China: Communiqué of the National Bureau of Statistics of People's Republic of China on Major Figures of the 2010 Population Census 1 No. 2. (HTML) Archiviert vom Original am 27. Juli 2013; abgruefen am 28. September 2011 (englisch).
- ↑ National Bureaue of Statistics of China: Communiqué of the National Bureau of Statistics of People's Republic of China on Major Figures of the 2010 Population Census 1 No. 2. (HTML) Archiviert vom Original am 25. September 2011; abgruefen am 28. September 2011 (mandarin).
- ↑ Shanghai Statistics: Resident population in main years (Site cha nüme abgrüeft wärde; Suche im Webarchiv)
- ↑ Shanghai Statistics: Land area, population and density of population in districts and counties (Site cha nüme abgrüeft wärde; Suche im Webarchiv)
- ↑ City Population: Die größten Agglomerationen der Welt
- ↑ Maritime.De Archivlink (Memento vom 29. Juni 2013 im Internet Archive)
- ↑ People’s Daily: Shanghai Port handles 537 mln tons of cargo in 2006, top in the world
Previous Page Next Page
