Servoklubo

Servoklubo estas tipo de organizaĵo kies membroj kundividas la samajn valorojn. Ili regule renkontiĝas kaj gvidas karitatajn kaj edukajn agadojn, ĉu memstare, ĉu pere de financa helpo de aliaj asocioj.

Trans la eksplicitaj celoj difinitaj en la statuto de la servokluboj mem, tiuj kluboj estas taŭgaj por aliaj funkcioj, ekzemple eniri en iu socia vivo en kiu utilas havi interesajn profesiajn ligojn danke al la solidareco inter membroj.

Multaj servokluboj ekestis en la 20-a jarcento kiel Rotario, Lions (Leonoj kluboj), Interact klubo, Kiwanis, Altrusa Internacia, JCI, Civitan International, Sertoma, Soroptimist, Zonta,...Nova generacio de servokluboj estas ekzemple BEAN, Golden, HandsOn Network aŭ Amitiè Sans Frontières (Amikeco sen Limoj).