Rejeb[1][2] (hurup Arap Gundul: رجب) atawa Rejep[3] (hurup Arap Gundul: رجب) ada bulan ketuju di dalem almenak Selam atawa Hijriah. Di basa Arap, ni bulan punya nama – Rajab (basa Arap: رجب), nyang lèterleknya 'pengormatan'. Di ni bulan, sebagèan orang Selam udah pada mulain nyiap-nyiapin dèwèk bakal datengnya bulan Puasa. Di sebagèan wilayah sawaban Turki (Balkan èn sekulilingnya juga'), di malem Jumahat pertama, dirayain dah tu namanya Malem Regaip (hurup Arap Gundul: مالم رغائب; basa Arap: ليلة الرغائب laylat al-raghāʾib 'Malem Arepan'; basa Turki: Regaip Kandili), nyang dirayainnya kurang lebi kaya kita punya Malem Nispu.