Piercing

Piercing (anglicismu, xerundiu del verbu to pierce: 'afuracar', 'furar', 'travesar')^[1] ye la práutica de furar una parte del cuerpu humanu pa inxertar aretes o otres pieces de xoyería. Estes perforaciones son una forma de cambéu corporal y reflexen tantu valores culturales, como relixosos y espirituales, y amás parte de la moda, erotismu, gustos personales o identificación con una subcultura.

Na historia oriental tradicionalmente namái se practicaba a les muyeres un únicu furacu nes oreyes dende pequeñes pa tola so vida; sicasí, n'otres cultures del mundu y na cultura occidental al sieglu XXI y en dómines antigües, tamién se furen delles partes del cuerpu en dambos sexos.

1. ↑ Styles Carvajal, C., Horwood, J. y Rollin, N. (eds.) (2009) Concise Oxford Spanish Dictionary. Oxford, New York: Oxford University Press.