Pentagram

Pentagram rheolaidd
Pentagram
Math	Polygon seren
Ymylon a fertigau	5
Symbol Schläfli	{5/2}
Grŵp cymesuredd	D5 (Trefn 10)
Ongl fewnol (graddau)	36°

Siâp seren pum pwynt a dynnwyd â phum llinell syth yw'r pentagram (hefyd: pumongl). Mae'r gair 'pentagram yn dod o'r gair Groeg πεντάγραμμος (pentagrammos) neu πεντέγραμμος (pentegrammos) sef "â phum llinell".

Defnyddiwyd pentagramau'n symbolaidd yn yr Hen Roeg ym Mesopotamia, a defnyddir y pentagram hefyd fel symbol Wica, yn debyg i'r defnydd o groes gan Gristnogion, neu Seren Dafydd gan Iddewon. Mae gan y pentagram gydgysylltiadau â dewiniaeth, ac mae llawer o bobl sy'n ymarfer crefyddau Neo-baganaidd yn gwisgo gemwaith sy'n ymgorffori'r symbol. Defnyddiwyd y pentagram gan Gristionogion i gynrychioli pum clwyf yr Iesu,^[1][2] ac mae ganddo gysylltiadau â'r Seiri Rhyddion.^[3]

1. ↑ Erthygl "Pentagram" yn The Continuum Encyclopedia of Symbols Becker, Udo, ed., Garmer, Lance W. translator, Efrog Newydd: Continuum Books, 1994, t. 230.
2. ↑ Signs and Symbols in Christian Art Ferguson, George, Oxford University Press: 1966, t. 59.
3. ↑ "Order of the Eastern Star". Archifwyd o'r gwreiddiol ar 2009-12-18. Cyrchwyd 2009-12-16.