Parka

'n Parka (afkomstig van Nenets) of anorak (Groenlands: aannoraq, afgelei van anori vir "wind") is 'n tipe baadjie met 'n kappie, dikwels gevoer met pels of vals pels. Die Caribou Inuit het hierdie soort kledingstuk uitgevind, oorspronklik gemaak van rendier of seeleeuvel, vir jag en kajakvaarte in die ysige Arktiese gebiede. Sommige Inuit anoraks vereis gereelde insmeer met visolie hul waterweerstand te behou.

Die woorde anorak en parka word uitruilbaar gebruik, maar hulle is eintlik verskillende klere. Streng gesproke is 'n anorak 'n waterdigte baadjie met 'n kappie en sonder 'n voorste opening, en soms koordjies by die middellyf en mansjette, en 'n parka is 'n heuplengte koueweerjas, gewoonlik met donsvere gestop of baie warm sintetiese vesel, en met 'n pelsgevoerde kappie.