Nationalsozialismus

Da Nationalsozialismus is a rechtsextreme, totalitäre und rassistische Ideologie, de wos nochm Easchtn Wödkriag in Deitschland aufkumma is und voa oim in Mittl- und Noadeiropa Auhänga ghobt hod. De Ideologie is vo da Nationalsozialistischn Deitschn Orbatapartei, kuaz NSDAP, umgsetzt wuan. Totalitära Aunfiara vo dera politischn Bewegung wor da Adolf Hitler, dea wos noch da Wödwiatschafdskrise an großn Zualauf ghobt hod. De NSDAP is bei de Woin vo 1933 im Deitschn Reich de gresste Regiarungspartei wuan und hod nocha mit Gwoit und Hintalist de Mocht an sich grissn und a totalitäre Diktatur aufbaut. 1945 is de NSDAP vo de Besotzungsmächte aufgläst wuan.