Naarden

Naarden (distagañ :[1]) a zo ur gumun hag ur gêr e rannvro Gooi, e proviñs Noord-Holland en Izelvroioù. 32,89 km² eo gorread Naarden (douar : 21,39 km² , dour : 11,5 km²) ha d'an 31 a viz Mae 2009 e oa 17 058 annezad enni. Enni e kaver ur skouer eus ur c'hreñvelc'h mod Spagn. Kempennet eo bet ar mogerioù hag an douvezioù.

Lakaet e voe Naarden da gêr e 1300. Goude-se e teuas da vezañ ur gêr ma veze roet bod d'ur gwarnizon, ha ma veze embregerezhioù gwiaderezh. Enni emañ ivez mirdi izelvroat ar c'hreñvlec'hioù (Nederlands Vestingmuseum). Bep bloaz e vez aozet ur festival luc'hskeudenniñ enni ha bep bloaz ivez da Wener Bask e vez sonet Pasion Sant Vazhev bet savet gant Johann Sebastian Bach da Wener Pask, en iliz Sint-Vitus. Daoust ma voe ur gêr a-bouez en amzer dremenet e kreskas buanoc'h Hilversum en XVIII^vet kantved, hag hiziv an deiz ez eus muioc'h a dud o chom e er gulun dost anvet Bussum. E Naarden emañ bez Comenius.