Multiplo

Un numero entero "a" ye multiplo d'unatro entero "b" cuan existe unatro numero natural que multiplicato por b nos da como resultato o numero a.

Por eixemplo:

a=18

b=9

a=2·b

En iste caso, 2 ye o numero natural que cumple con a condición anteriorment descrita y se diz que 18 ye multiplo de 9.

Os multiplos d'un numero son aquels que resultan de multiplicar-lo por a secuencia de numeros enters.

Asinas, os multiplos d'o numero 2 serían 2,4,6,8,10,12,... os multiplos d'o 3 serían 3,6,9,12,15,...

Bi ha tantos multiplos d'un numero como numeros naturals.

Asinas por eixemplo, si "N"={1,2,3,4,5,...}, os multiplos de 2 vienen datos por {2,4,6,8,10,...} y os multiplos de 3 por {3,6,9,12,15}. A cada multiplo de 2 le corresponde un numero natural, y a cada numero natural le corresponde un multiplo de 2. Se diz alavez que o conchunto d'os multiplos d'un numero dato ye infinito numerable.

Ta conoixer si un numero ye multiplo d'un atro, tendremos que executar una división entre os dos y que o repui sía 0 (u que o cocient sía un numero entero).