Mortel

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Rogkels, es te dit dialek sjpriks.

Mortel is e groeat gehuch bie Rogkel inne gemèndje Leudaal. 't Gehuch ligk t'n oeaste van Rogkel. In 't naorde wuuertj Mortel begrens door 't boetegebied van De Sjans, in 't oeaste door Ophaove, in 't zuje door 't bósgebied tösse Rogkel en Nunem en in 't wèste door 't dörp Rogkel zelf. Allewiel is Mortel 'n wiek 'nt waere van Rogkel.

Waat me allewiel Mortel neump ware vreuger versjillige gehuchte, namelik: Mortel, Hevert (Heivers, Heijvers), Geispert (Geispers, Geijspers, deils: Ophaove), Bósserhoes of Op de Bós (neet te verwarre mit Op de Bós bie Heitse) en Baatse (Baetsen, Beatsen). 't Veurmaolig gehuch Lentert is noe 'n óngerdeil van Ophaove.