Kloetegen

Kloetehen of Kloetehe (opm:. De h stit ducht bie de g) (Nederlands: Kloetinge) is 'n durp in de gemeênte Goes mee 3.500 inweuners in 2023. Het ringdurp is ien van de ouwste durpen van Zuud-Beveland.

Het durp dateert uut de 10e eêuw. In 1216 wier gesproke over Clotinge, dat laeter Cloetinge wierd. In de volksmond ao mun 't over Kloetehe of Klusdurp (voorà in Hoes).

In de 15e eêuw stonge er vuuf meulens, oalemille in het bezit van de ambachts'eren, de 'eren van Bossele. In 1572 wier Kloetehe platgebrand deu Spaonse soldaot'n. De gemeênte is in 1970 op'eheven en bie Goes gevoegd. Het durp is naebie an Goes vastgegroeid. De nieuwbouwwiek Oôstmeulepark valt officieël ok onger Kloetehe. De toren van Kloetegen is 65 meter 'oôge.