Indexpatient

Der Erschtpaziänt oder Indexpaziänt oder i dr Umgangssprooch au öppe der Paziänt Null isch die Person, wo bin ere medizinischen Epidemy als erschte die beträffendi Chranket gha het. Der Begriff Paziänt Null chunt vom änglische patient zero.

Zum bin ere schwäären Epidemy oder erscht rächt bin ere wältwyte Pandemy usezfinde, wie s so wyt cho isch, cha s de Epidemiolooge hälfe, z wüsse wär der erschti Paziänt gsi isch und uf welem Wääg sich di asteckendi Chranket so staarch het chönne vrbreite.

Es Bischpiil isch dr Usbruch vo der Ebola anne 2013 z Weschtafrika, wo me weiss, z’eerscht isch es chlyses Chind z Meliandou im Land Guinea dra chrank worden und gstorben, und nach iim es paar Lüüt rund um iins ume, und vo doo het s e grossi Süüchi gää.

Bi dr wältwyte Koronavirus-Pandemy 2019/2020 isch e Paziänt i dr chinesische Stadt Wuhan im Novämber 2019 als eerschte Fall dokumäntiert.