Illuminatenorden

Dr Illuminatenorde (vo latiinisch illuminati: die Erlüchdete) isch e Gheimgsellschaft gsi, wo am 1. Mai 1776 vom Philosoph und Chillerächtler Adam Weishaupt z Ingolstadt gründet worden isch. 1785 het men en z Bayre verbote und siini Aktivitäte häi druf ufghört.

S Ziil vom Illuminatenorde isch s gsi, dur Ufklärig und sittligi Verbesserig d Herrschaft vo Mensch über Mensch überflüssig z mache.

Zahlriichi Mythe und Verschwörigstheorie git s über en Orde: ass er immer no wurd existiere, ass er die Französischi Revolution organisiert haig, ass er die katholischi Chille wurd bekämpfe, und ass er d Wältherrschaft wurd aasträbe.