Haglstegga

Da Haglstegga, boarisch deitsch Hagelstecken (dt. Spazierstock, Gehstock; engl. walking stick), is a Stegga, den wo ma zum leichdan geh hernimmd. Wannsdas Gfui ham dadasd, dass du noch hindn oda vorn umekibbst, na kost di mim Haglstegga ostizzn.

Haglstegga hoassns, weis om a Hagl ois Griff ham. Friacha san natiale gwoxane Stegga vawendd woan. Voa oim Granawidhoiz, Ahoan und Hoslhoiz hod ma dofia gnuzzd. A scheena Haglstegga woa friacha aa a Statussymboi.

Scho seinerzeit ham de Oimara imma an Stegga dabei ghobt, damits de Leitn bessa aufe und obe kemman san. In dem Foi hoasd da Haglstegga dann Bergstegga.