Gremial

Llámase gremial al pañu cuadráu del mesmu color que los ornamentos que se ponía sobre les rodilles l'obispu cuando taba sentáu al celebrar de pontifical. Anguaño, los obispos sólo lu usen con un sentíu práuticu: al usar oleu sagráu (p. ex. n'ordenaciones) tando sentaos, pa nun s'empuercar la casulla.

El gremial que güei ye privativu de los obispos, tamién foi utilizáu polos sacerdotes mos sieglos XIII y XIV y consistía nun pañu rectangular de llinu o seda según los casos. Dende'l sieglu XIV, llevóse nes procesiones pol sacerdote y los sos dos ministros, diáconu y subdiáconu a manera de frontal d'altar, llamándose entós delantal procesional, tovía utilizáu en dellos llugares y reflexáu n'abondes pintures y relieves.