Essay

Dr Essei isch e gäistriichi Abhandlig, wo din wüsseschaftligi, kulturelli oder gsellschaftligi Fenomeen belüüchdet wärde. Im Middelpunggt stoot die persönligi Usenandersetzig vom Autor mit em Thema. D Kriterie vo dr wüsseschaftlige Methodik cha mä drbii vernoochlässige; dr Autor het also relativ groossi Freihäite.

D Essei ghööre au zu de schurnalistische Daarstelligsforme. Äänligi Teggstarte, wo mä mänggisch au sünonüüm mit Essei verwändet, si Causerie, Glosse, Kolumne, Drakdaat, Ufsatz und dr schurnalistischi Kommentar und dr Läitardikel.

Dr Übergang zwüschen em Essei und em Aforismus isch fliessend: „Der Essay ist der große Bruder des Aphorismus“.

Dr Begriff chunnt vom franzöösische Wort essai (vom latiinisch exagium) wo bäidi e „Broob, Versuech“ bedüte. Dr Essei as literarischi Form oder Gattig goot uf e franzöösisch Autor Michel de Montaigne (1533–1592) zrugg, won en us dr Adagia vom Erasmus vo Rotterdam entwigglet het.