Donezbecken

S’ Donezbäcka (ukràinisch Донецький басейн Donezkyj bassejn [dɔˈnɛt͡sʲkei̯ bɐˈsɛjn]; rüssisch Донецкий бассейн Donezki bassein [dɐˈnʲet͡skʲɪj bɐˈsʲ(ː)ejn]), kurz àui dr Donbas odd’r Donbass (ukràinisch Донбас [dɔnˈbas], rüssisch Донбасс [dɐnˈbas](info)), ìsch a grooss nàdììrlig Gebiat, wo sìch uff baida Sitta vu dr rüssisch-ukràinischa Granz ärschträckt. Doo wìrd vììl Schtaikoohla-n-àbbàuija, un ’s ìsch àui zitter’m 19. Joohrhundert a wìchtig Ìndüschtriigebiat.

S’ Donbas ìsch dr ukràinischa Ràuim, wu dr greeschta Ààtail vu dr Beväälkerung ìn da Schtädt labt. ’S ìsch àui d’ Regioon mìt dr greeschta Beväälkerungsdìchta ìm Lànd. D’ greeschta Schtàdt ìm Donbas ìsch Donezk mìt’m Vorort Makijiwka, wu ànna 2021 ìnsgsàmt 1,5 Millioona Iiwoohner glabt hann. Ìm äschtliga Tail vum ukràinischa Donbas ìsch Luhansk d’ greeschta Schtàdt, mìt äbba 410.000 Iiwoohner (Schtànd: 2016).