Diplodocoidea

An Diplodocoidea zo un dreistkerentiad dinosaored eus strollad ar Sauropoda, dezhe peurliesañ ur gouzoug hir a-blaen, ul lost hir-meurbet hag izili strizh a-walc'h ha dezhe ar memes uhelder. Anavout a reer anezhe e-touez ar Sauropoda dre o c'hlopenn hir ha n'eo ket gwall uhel, fronelloù diavaez pell war-dreñv ar c'hlopenn hag ur vuzell hirgarrezek gant dent heñvel ouzh ur grib.

Lod eus an Diplodocoidea evel Seismosaurus ha Supersaurus a oa ramzed a dizhe betek 30 metr hirder. Lod eus an Diplodocoidea zo al loened douar brasañ zo bet war hor planedenn biskoazh. Lod all avat a oa bihan a-walc'h ha dezhe ur gouzoug berr-kenañ, evel an Dicraeosauridae Brachytrachelopan. Liammet eo ar gouzoug berroc'h-se ouzh trevadennadur ul log ekologel ma kaved loened peurer evel an Thyreophora hag ar Ceratopsia.