Deursnee

Die deursnee (ook deursnit of diameter) van 'n bol of sirkel is die grootste afstand wat tussen twee punte deur die bol of sirkel gemeet kan word.

Die term deursnee moet nie met die term middellyn verwar word nie. Die middellyn van 'n sirkel is 'n lyn wat met die middelpunt van die sirkel sny. Die deursnee is die lengte van die lyn.

Die deursnee van 'n sirkel is gelyk aan 2 × die radius (straal).

Die omtrek van 'n bal of sirkel is π × die deursnee.