Depression

Depressiv (latiinisch deprimere ‚aabedrucke‘) bezäichnet in dr Umgangssprooch öbber wo psychisch niidergschlage isch. In dr Psüchiatrii zelt mä d Depressioon zu de affektive Stöörige. Im Klassifikazioonssüstem vo de psüchische und andere Chrankhäite (ICD 10), wo zur Zit gängig isch, bezäichnet mä d Chrankhäit as depressivi Episoode oder rezidivierendi (wo sich widerhoolt) depressivi Stöörig. D Diagnoose stellt mä nume noch de Sümptoom und em Verlauf. Zur Behandlig vo depressive Stöörige kläärt mä zerst dr Betroffeni uf über d Uursache und dr Verlauf vo dr Chrankhäit, mänggisch setzt mä Antidepressiva ii, aber mänggisch verordnet mä Psüchoterapii ooni Medikazioon, wie zum Bischbil diefepsücholoogischi oder verhaltenstherapöitischi Verfaare.