Comunidat

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una comunidat ye una agrupación de sers humanos organizatos que se perciben como unidat social, y os miembros suyos participan de bel ixo, bel interés u bel elemento común, (a parla, os costumbres, as valuras, as fainas, a visión d'o mundo, territorio, estatus social u rols) y con concencia de pertenencia a o mesmo grupo, ubicatos en bella zona cheografica, en do a pluralidat de personas interacciona más intensament entre ellas que no entre atras, fendo partache d'ixes elementos y socializándo-los ta perpetuarse socialment. Per un regular, una comunidat s'achunta baixo a necesidat d'una meta en común, como puede estar o bien común u una convivencia de buen implaz.

O vocablo comunidat, en Treballo Social, ye vinclato con os termens desarrollo comunitario y animación comunitaria. O desarrollo comunitario ye a meta social a la que se quiere plegar con l'animación comunitaria.

Os elementos que integran una comunidat son:

• Un conchunto de personas: De tipo heterochenio, en lo relativo a rasgos como edat, sexo, estato civil, nivel economico. Este conchunto participa de os rasgos comuns d'a sociedat de la que forma parte. Dentro d'o conchunto pueden establir-se grupos socials y estratificación.
• Un territorio: Situato en un espacio ubierto, que contiene en mayor u menor mida os diferents elementos que a la comunidat le fan falta ta la suya vida de cada día, como viviendas, centros de producción, relación etc...
• Unas relacions entre as personas: Existe un substrato común de valuras, normas, costumbres, que cohesionan o conchunto. Amás, os lazos familiars y a relación de vecindat por a proximidat d'as personas puede fer que se faya aduya mutua, relacions asociativas basadas en problematicas comuns y relacions de solidaridat.
• Unas relacions entre as personas y o territorio: O sentimiento de pertenencia a un entorno se traduz en una estima de valura subchectiva que determina a esfensa d'o propio territorio