Chardonnay

Dr Chardonnay isch e bekannti Wysswy-Truube mit eme hoche Qualitätspotenzial. Synonym sin Pinot Chardonnay, Beaunois, Morillon, Weißer Clevner und Feinburgunder.

E DNA-Analyse us em Johr 1998 het ergäh, dass dr Chardonnay s' Ergäbnis von ere natürlige Krüzig vo Pinot und Gouais Blanc isch. Wil die genetischen Unterschied zwüsche Pinot Blanc, Pinot Gris und Pinot Noir sehr glei sin, ligt e gnaui Spezifizierig vom Pinot-Typ nonig vor.

Dr Chardonnay isch in de letschte Johr uff dr ganze Wält und au im allemannische Ruum zuenähmend aapflanzt worde und erfreut sich ere grosse Beliebtheit. Es goht e paarne Lyt au scho ne bitzeli z'wyt und die rede denn vom ABC was fir anything but Chardonnay stoht (alles nur kein Chardonnay)!