Un cenote (del maya dzonoot: ‘fuexu con agua’) ye una dolina anubierta d'orixe cársticu.[1] Esisten dellos tipos de cenotes: a cielu abiertu, semiabiertos y soterraños o en covarón. Esta clasificación ta direutamente rellacionada cola edá del cenote, siendo los cenotes maduros aquellos que s'atopen dafechu abiertos y los más nuevos los qu'inda caltienen la so cúpula intacta. Como otres munches estructures xeomorfolóxiques, los cenotes son estructures transitories, que finalmente pueden terminar rellenos y desecados, pasando a formar parte de lo que se conoz como un paleokarst.[2]