Canibalismu

El canibalismu ye l'actu o la práutica d'alimentase con miembros de la mesma especie. El canibalismu puede producise ente miembros de munches especies, anque vulgarmente acomúñase más con antropofaxa, o colos seres humanos que peracaben conxéneres.

El términu provién de la deformación de la pallabra caribe en caniba o cariba del idioma taíno, parcialidá de la etnia arawak.^[1] Pa los caribes, significaba «ardigosu», «coraxosu»; pa los arawak, «enemigu»; y pa los europeos, «comedores de carne humano». Nativos d'América que Cristóbal Colón atopó na islla de La Española nel so primer viaxe y que practicaben l'antropofaxa. Los caribes atacaben a los arawak pa consiguir botinos y de camín prindaben a los neños a los cualos capaben y criaben pa come-y los.

Los casos particulares en sociedaes occidentales rellaciónense anguaño con situaciones de fame, criminales o persones con fondos problemes mentales.

1. ↑ Vignolo, P (2005) «Hic sunt caníbales: El canibalismu del nuevu mundu nel imaxinariu européu (1492-1729)». Anuariu colombianu de la historia social y de la cultura, núm. 3, p. 151-188