Binnenstoot

A Binnenstoot (dt.: Binnenstaat) is a Stoot wo ned on a Meea grenzd, so wia Östareich oda de Schweiz. Binnensään wia'sKaspische Meea guidn dodobei ned. Australien mid Ozeanien is da oanzige Kontinent, wo's koane Binnenstootn gibd.

Insgsomd gibd's af da Wejd 44 Binnenstootn, wovo Kasachstan om meisdn Flächn hod und Ethiopien om meistn Eihwohna. Des kloane Fiaschtntum Liachtnstoa und Usbekistan san de oanzigsdn Lenda vo da Wejd, wo Doppl-Binnenstootn san, des hoassd, de umgrenzndn Nochboan san aa Binnenlenda.

31 vo de 44 Binnenstootn san Entwicklungs- oda Schwejnlenda. De dean se rechd hoat ban internationaln Handl, wei do as meisde iwa'n Sääweg transpoatiad wead.