Beqoniya

Beqoniya
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrosids Klad: Rosids Klad: Fabids Dəstə: Balqabaqçiçəklilər Fəsilə: Beqoniyakimilər Cins: Beqoniya
Beynəlxalq elmi adı
Begonia L., 1753[1][2]
Şəkil axtarışı ITIS   22327 NCBI   3681

Beqoniya (lat. Begonia) — bitkilər aləminin balqabaqçiçəklilər dəstəsinin beqoniyakimilər fəsiləsinə aid bitki cinsi.

Bu fəsilə və cins fransız Mişel Begonun şərəfinə adlandırılmışdır.Fəsiləyə təxminən mindən çox növ-çoxillik ot bitkisi,kollar və lianlar daxildir. Beqoniyanın bir çox növləri dekorativ bitkilərdir. Açıq torpaqda 3 növü əkilir. Onlardan xüsusilə ən çox yayılmışı mürəkkəb, hibrid mənşəli sortlara aid olan kök yumrulu beqoniyadır. Kök yumrulu beqoniya istisevən bitkidir. Hər il bitkinin yerüstü hissələri məhv olur, torpaqda isə kök yumruları qalır. Beqoniyanın gövdəsi 25-30 sm hündürlüyə çatır. Gövdə sulu, ətli və budaqlıdır. Yarpaqları ürəkşəkilli olub, kənarları mişardişlidir. Beqoniyanı toxumla çoxaltmaq olar. Toxumları torf, qum və yarpaqlı torpaq qarışığı olan yeşiyə əkilir. Əmələ gələn cücərtiləri 20°C su ilə sulayırlar. Beqoniyanın cücərtilərini 4x4 sm sxemi üzrə daimi sahəyə köçürürlər. Beqoniyanı qələmlərlə də çoxaltmaq mümkündür.

1. ↑ Linney K. Genera plantarum eorumque characteres naturales, secundum numerum figuram, situm, & proportionem omnium fructificationis partium. 5 Stokholm: 1754. S. 475. doi:10.5962/BHL.TITLE.746
2. ↑ Linnæi C. Species Plantarum (lat.): Exhibentes plantas rite cognitas ad genera relatas. 1753. C. 2. S. 1056.