Behinderung

Mit em Begriff Behinderig mäint mä wenn e Person am gsellschaftlige oder wirtschaftlige Lääbe nid chä Däil haa, wägen ere Beiidrächtigung, wo für immer und schwerwiegend isch und verursacht wird wenn ungünstigi Umwältbedingige, soziali oder anderi Faktore (Barriere) zämmechömme mit Äigeschafte vo dr behinderete Person, wo s schwer oder ummööglig mache, über die Barriere wög z choo. E Behinderig isch also kä Chranket.

In dr Umwält von ere behinderete Person cha vil s Lääbe schwer mache. Das chönne Alldagsgegeständ si und Iirichdige – oder wenn Iirichdige feele – (füsikalischi Faktore) aber au d Iistellig vo andere Mensche (soziali Faktore). Gegeständligi Barriere behindere vilmol, wil s kä uniwersells Disäin git, wo nit nume Bevölkerigsgrubbe berücksichdiget, wo dr Zaal nooch gröösser si oder vilicht mee Iifluss häi.^[1][2]

1. ↑ Prof. Wolfgang Jantzen, Zur politischen Philosophie der Behinderung Archivlink (Memento vom 18. Jänner 2012 im Internet Archive) (PDF; 87 kB)
2. ↑ Website der WHO, abgrüeft am 11. Januar 2010