Bees

Bees
'n Switserse koei met 'n klokkie om haar nek.
Bewaringstatus
Gedomestikeerd
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Subklas:	Theria
Infraklas:	Eutheria
Orde:	Artiodactyla
Familie:	Bovidae
Subfamilie:	Bovinae
Genus:	Bos
Spesie:	B. primigenius
Subspesie:	B. p. taurus, B. p. indicus
Binomiale naam
Bos primigenius Bojanus, 1827
Trinomiale naam
Bos primigenius taurus, Bos primigenius indicus
wêreldverspreiding van beeste
Sinonieme
Bos taurus, Bos indicus

'n Bees is 'n groot gedomestikeerde, gras-etende hoefdier. In algemene taalgebruik sluit beeste ook koeie, bulle, osse, verse en kalwers in.

Beeste word gewoonlik as vee aangehou vir hulle vleis (bees- en kalfsvleis), as suiweldiere vir melk en ander suiwelprodukte, en as werkdiere vir die sleep van karre, ploeë en dies meer (gewoonlik word osse hiervoor gebruik). Ander produkte sluit in leer en mis vir bemesting en biobrandstof.

In sommige lande, soos Indië en Nepal, word beeste as heilig geag. Afrika het omtrent 20 000 000 stuks beeste, waarvan baie op tradisionele wyse grootgemaak is. In tradisionele gemeenskappe word beeste soms as betaalmiddel gebruik en dui op die eienaar se rykdom en status in die samelewing.