Barista

'n Barista is 'n vakman of -vrou wat koffie voorberei. Baristas werk meestal by 'n koffiehuis of restaurant wat espresso en naverwante drankies soos cappuccino bedien. Die woord barista is Italiaans vir "kroegman".

Terwyl die titel nie gereguleer word nie, gebruik meeste koffiewinkels dié titel vir persone wat koffie met behulp van 'n kommersiële espresso-masjien maak. Die barista se rol wissel grootliks na gelang van die masjien wat gebruik word, maar sluit take in soos: die maal van die bone, laai van die koffie in die masjien, stoom van melk, meng van koffie en melk in die regte verhouding, en die skoonmaak en instandhouding van die toerusting.

Die maak van goeie koffie word as 'n kuns beskou. 'n Bekwame barista sal nie net geurige drankies voorsit nie, maar ook die drankies kunstig versier.

Hierdie artikel is ’n saadjie. Voel vry om Wikipedia te help deur dit uit te brei.