Autor

El autor ye la persona que crea una obra, seya artística, lliteraria o científica.

Na lliteratura, l'autor ye una noción que pertenez al sistema lliterariu, según les nociones de llector, editor y obra lliteraria.

Para Michel Foucault, l'autor ye una función presente en dellos discursos, ye representáu pol nome propiu (del autor), separáu del suxetu empíricu; y siendo una función del discursu, "dexa reagrupar un determináu númberu de testos, delimitarlos, escluyir dalgunos, oponelos a otros".^[1]

La noción d'autor tresformóse a lo llargo del tiempu por cuenta de les distintes práutiques históriques y a la crítica lliteraria y teoría lliteraria;^[2] la concepción que tenemos d'ella anguaño; tien los sos oríxenes nel Renacimientu; y ta rellacionada con términos d'orixinalidá, autoridá, y propiedá moral o intelectual y económica.

El términu provién del llatín auctor, -ōris, "aumentador, productor, creador, autor, padre, güelu, antepasáu, fundador".^[3]

1. ↑ Foucault, Michel. ¿Qué ye un autor? Buenos Aires: Ediciones lliterales, 2010, p. 20.
2. ↑ De Teresa Ochoa, Adriana. “La función del autor na circulación lliteraria”, en Circulaciones: trayectories del testu lliterariu, Adriana de Teresa Ochoa (coord.), Méxicu: UNAM /Bonilla Artigas Editores, 2010, p. 106
3. ↑ Blánquez Fraile, Agustín. Diccionariu Latino-Español, Español-Llatín. Barcelona: Ramón Sopena, 1988, p. 217