Armalausi

D Armalausi oder Armilausini sind en germanische Stamm gsii, wo zwüschet de Alemane im Weschte und de Markomanne und Juthunge im Oschte glebt hend und dörftet drum en alemannische Stamm gsii sii. De Name bizücht sich uf iri ärmellosi Chlaidig. Nochem Isidor vo Sevilla bidütet s germanische Wort armelausa »Chriegschlaid«.

Ahand vo de Peutingersche Tafle (Armalausi) hend si öppe im Piet vom Nördlinger Ries de Donau no abwärts glebt. Denebet erschiinet si ono i zwoo spootantike geographische Schrifte^[1][2] und i de früemittelalterliche Weltbischriibig vom Aethicus Ister^[3]. Me as de Name isch aber vonene nöd bikannt.

1. ↑ Laterculus Veronensis 13 (Armilausini)
2. ↑ Exc. Iulii Honorii 26 (Armilauzini)
3. ↑ Cosmographia Aethici Istrici 1,26 (Armilai)