Aktivist

As Aktivist (lat. activus = „tätig, aktiv“) bezäichnet mä e Person, wo sich bsundrigs intensiv, mit Aktivismus, für bestimmti Ziil iisetzt. Das si vilmol Ziil, wo im witiste Sinn politisch si, bsundrigs in de Beriich vo dr Wirtschafts-, Umwält- und Sozialpolitik und vo de Bürger- und Menscherächt.

En Aktivist underschäidet sich vom ene Politiker vor allem din, dass er nid diräkt am formelle politische Brozäss däilnimmt, öbbe ass er nid brobiert in e politischs Amt gweelt z wärde, sondern uf eender informelli Art, wie öbbe dur Öffentligkäitsarbet und Demonstrazioone sini Ziil will duuresetze.

Gröössere organisierti Zämmeschlüss vo Aktiviste, wo s gliiche im Sinn häi, säit mä mänggisch au Nitregierigsorganisazioone (NGO).